Կարևոր

Արտադրական միջավայրի համար անհրաժեշտ է իրականացնել առանձին X-Road Security Server-ի տեղակայում՝ առանձին ենթակառուցվածքում (ֆիզիկական կամ վիրտուալ միջավայրում), որը պետք է ունենա թեստային միջավայրից տարբերվող առանձին IP հասցե և DNS անուն։

Խնդրում ենք արտադրական միջավայրի համար չօգտագործել թեստային միջավայրի Security Server-ը, դրա IP հասցեն կամ DNS անունը։ Թեստային և արտադրական միջավայրերի Security Server-ները և դրանց համապատասխան ցանցային նույնացուցիչները պետք է լինեն տարանջատված։

Արտադրական միջավայրին անցնելուն զուգընթաց՝ թեստային ենթակառուցվածքը պետք է պահպանվի և շարունակի գործել թեստավորման նպատակներով։

Ինչպե՞ս միանալ ADEL-ին

Ստորև ներկայացված քայլերը նկարագրում են, թե ինչպես միանալ Armenian Data Exchange Layer (ADEL) X-Road ցանցին։

Արտադրական միջավայրում գործարկումը պետք է ներառի անդամակցության պայմանագրեր, Ծառայության որակի պայմանագրեր (SLA), համապատասխանելիության ստուգում և ատադրական միջավայրի հավաստագրեր։

1. Հասանելիության հարցում

Անհրաժեշտ է կապ հաստատել ADEL-ի հետ՝ Ձեր կազմակերպությունը ADEL ցանցում գրանցելու և կարգավորումների համար անհրաժեշտ ֆայլերը ստանալու համար։

• Էլ․հասցե՝ adel@isaa.am

ADEL-ի հետ կապ հաստատելիս նշեք Ձեր կազմակերպության պաշտոնական անվանումը անգլերենով (ինչպես գրանցված է Իրավաբանական անձանց ռեգիստրում. թույլատրվում է օգտագործել պաշտոնական հապավումներ, եթե անվանումը գերազանցում է 50 նիշը), անդամի դասը և իրավաբանական անձի նույնականացման ծածկագիրը (ՁԿԴ)։

ADEL-ն կտրամադրի՝

• Configuration anchor
• Member code՝ հատկացված Ձեր կազմակերպության համար
• Հասանելիության համար անհրաժեշտ մուտքի տվյալներ

2. Ենթակառուցվածքի նախապատրաստում

Անվտանգության սերվերի համար անհրաժեշտ է ապահովել հոսթ: Թեստային միջավայրում բավարար է մեկ անվտանգության սերվերի կիրառումը․ բարձր հասանելիության կլաստերավորում չի պահանջվում։

Պահանջվող նվազագույն սպեցիֆիկացիաներ (specifications)

Ռեսուրս	Նվազագույն
CPU	2 cores (x86-64)
RAM	4 GB
Disk	100 GB
Network	100 Mbps
OS	Ubuntu 24.04 LTS կամ Red Hat 9

Պահանջվող ցանցային պորտեր

Պորտ	Պրոտոկոլ	Շրջանակ	Նպատակ
5500	HTTPS	Հանրային (մուտքային/ելքային)	Անվտանգության սերվերների (Security Server) միջև տվյալների փոխանակում
5577	OCSP	Հանրային (մուտքային/ելքային)	OCSP պատասխաններ
8080	HTTP	Միայն ներքին ցանցով	Ներքին ծառայությունների հասանելիություն
8443	HTTPS	Միայն ներքին ցանցով	Ներքին ծառայությունների հասանելիություն
4000	HTTPS	Միայն ներքին ցանցով	Administration UI

3. Անվտանգության սերվերի (Security Server) տեղակայում

Տեղադրեք X-Road Անվտանգության սերվերը (X-Road Security Server)՝ կիրառելով տեղակայման եղանակներից մեկը (Ansible playbook VMs-ի համար, Helm chart Kubernetes-ի համար)։ Ավելին՝ Անվտանգության սերվերի տեղակայման ուղեցույց։

4. Կարգավորում և գրանցում ցանցում

Օգտագործելով ADEL-ի կողմից տրամադրված configuration anchor-ը և member code-ը՝

1․ վերբեռնեք anchor-ը և կատարեք նախնական կարգավորումները,

2․ ակտիվացրեք soft token-ները և ավելացրեք ժամանակային դրոշմի ծառայությունը (timestamping service),

3․ ստեղծեք CSR-ներ auth և sign սերտիֆիկատների համար,

4․ վերբեռնեք սերտիֆիկատները և գրանցեք նույնականացման սերտիֆիկատը (authentication certificate),

5․ ստեղծեք ենթահամակարգ (subsystem) և ուղարկեք գրանցման հարցումը Կենտրոնական սերվեր (Central Server)։

Ավելին՝ Անվտանգության սերվերի կարգավորումների ուղեցույց։

5. Ծառայությունների հրապարակում և կիրառում

Երբ Ձեր Անվտանգության սերվերը (Security Server) գրանցված է ցանցում, դուք կարող եք ծառայությունները հասանելի դարձնել այլ մասնակիցների համար կամ օգտագործել վերջիններիս ծառայությունները։

Ավելին՝ Ինչպես հրապարակել REST API կամ Տվյալների ծառայությունների օգտագործում և/կամ մատուցում։

6. Հաստատում

Անհրաժեշտ է փոխանակել թեստային հաղորդագրություններ մյուս մասնակիցների հետ ADEL ցանցով՝ ստուգելու միացումը, նույնականացումը, ստորագրումը և ծառայությունների հասանելիության իրավունքները։

Կապ մեզ հետ

• Տեխնիկական աջակցություն ADEL-ի համար՝ adel@isaa.am