Տվյալների փոխանակման նկարագրություն

Նկարում պատկերված է երկու անդամների միջև տվյալների փոխանակման գործընթացը։ Անդամներից մեկը ծառայության օգտագործող է, որը հարցում է ուղարկում տվյալների ծառայությունը մատուցող անդամի տեղեկատվական համակարգին։

Ստորև ներկայացված է տվյալների փոխանակման քայլերի նկարագրությունը՝

1. Տվյալների ծառայության օգտագործողի (Service Consumer) տեղեկատվական համակարգը պատրաստում է հարցում և այն ուղարկում է իր անվտանգության սերվերին (Security Server)։

2. Տվյալների ծառայության օգտագործողի անվտանգության սերվերը ստանում է հարցումը տեղեկատվական համակարգից և այն փոխանցում տվյալների ծառայությունը մատուցող անդամի անվտանգության սերվերին։

3. Ծառայությունը մատուցողի անվտանգության սերվերը ստացված հարցումը փոխանցում է տվյալների ծառայության մատուցողի տեղեկատվական համակարգին։

4. Տվյալների ծառայության տեղեկատվական համակարգը մշակում է հարցման պատասխանը և այն ուղարկում իր անվտանգության սերվերին։

5. Տվյալների ծառայության անվտանգության սերվերը ստանում է պատասխանը տեղեկատվական համակարգից և այն փոխանցում է օգտագործողի անվտանգության սերվերին։

6. Օգտագործողի անվտանգության սերվերը ստացված պատասխանը փոխանցում է հարցումն ուղարկած տեղեկատվական համակարգին, որտեղ այն հետագայում մշակվում է կամ ցուցադրվում։

7. Երկու անվտանգության սերվերներն էլ յուրաքանչյուր րոպե հարցում են ուղարկում կենտրոնական սերվերին՝ գլոբալ կարգավորումներ ստանալու համար, որը պարունակում է բոլոր անդամների, անվտանգության սերվերների և ենթահամակարգերի մասին տեղեկությունները։

8. Անվտանգության սերվերները դիմում են ժամանակային դրոշմի ծառայությունը (timestamp service)՝ հաղորդագրությունները ժամանակային դրոշմով ապահովելու համար։

9. Անվտանգության սերվերները կապ են հաստատում OCSP (Online Certificate Status Protocol) ծառայության հետ՝ հավաստագրերի վավերականության հաստատումը ստանալու համար։